2022 中秋送暖 ‧ Grand Finale

金秋慶團圓•護老動心弦

新鮮無添加，最好盡快送到老友記手上。基金會迅速行動，連日趕工，義工們把愛心手造曲奇連同抗疫禮品集成500個福袋。務求於中秋前夕送達護老院舍向長者致意，共渡中秋佳節。

500個福袋，又曲奇、又迷你月餅、又毛巾仔、又健康茶、又口罩、仲有快測劑添！義工們訂購、收貨、分貨、包裝、綁絲帶蝴蝶結、氹老友記開心、盤點、入箱等一條龍。大家一定係食咗愛心曲奇，個個正能量爆發！士氣高揚，心到力到！25箱福袋已準備就緒，於9月1日全部出發！